CAGAYAN DE ORO CITY-Gisaway ni City Mayor Oscar Moreno ang gihimong pag-rally sa kampo ni kanhi Mayor Vicente Emano atubangan sa Court of Appeals o CA-Mindanao diha sa Julio Pacana Street sa syudad kaniadto.
Kini human gitumbok ni Moreno nga kabahin ang maong lakang ni Emano nga nakapa-presyur sa CA-Mindanao nga mohangyo sa Korte Suprema nga mabalhin ang iyang mga kaso nga giapelar padulong sa CA-Manila.
Gibutyag ni Moreno nga angay unta nga dili manghilabot ni Emano kon unsa man ang gimbuhaton sa mga mahistrado kay adunay lahi nga mga trabaho ang anaa sa hudikatura.
Hinoon,gitahod ni Moreno ang hukom sa CA-Mindanao nga ibalhin ang iyang mga kaso nga unang gi-apelar tungod sa sunod-sunod nga dismissal orders bato kaniya gikan sa Ombudsman.
Samtang gihimakak ni Emano nga kabahin sila sa hinungdan nga gipangbalhin ang mga kaso nga gi-apelar ni Moreno sa Court of Appeals -Mindanao padulong sa kauluhan.
Kini bisan nga nagtoo si Moreno nga kabahin ang pag-rally ug vigil sa kampo ni Emano atubangan sa CA-Mindanao aron i-protesta ang temporary restraining order aron pugngan ang dismissal order tungod sa kaso sa Ajinomoto sa syudad sa miaging tuig.
Miingon ang abogado ni Emano nga si Atty Francis Khu nga internal nga kalihukan lamang kini sa hudikatura ug dili mahitabo nga ma-impluwensiyahan sa bisan kinsa nga grupo.
