CAGAYAN DE ORO CITY-Hayan sugdan na’g patawag ni Gov Bambi Emano ang kapitanes,mayores ug bise-mayores gikan sa 23 ka lungsod ug 2 ka syudad sa Misamis Oriental.
Kini aron ipatubag kon ngano nga anaa sa listahan ang pipila kanila ilabina sa kapitanes ni Pres Rodrigo Duterte nga nalambigit sa gidiling droga.
Miingon si Emano nga posibleng ning semanaha o sunod nga semana,tagsa-tagsaon nila ang pagpa-esplikar sa pipila ka elected officials ilabina kadtong anaa sa narcolist dinhi sa lalawigan.
Sukad milingkod si Pres Duterte,pipila ka brgy kapitan nga nakabase sa Misamis Oriental na ang nasikop nga namaligya’g gidiling droga.
Hisayrang nga sa miaging Enero ning tuiga,gipatawag ang tanang gobernador sa Pilipinas sa Malakanyang aron awhagon ni Duterte nga tabangan ang gobyerno pagsumpo sa illegal nga droga.
