CAGAYAN DE ORO CITY – Walay balibad ug tabangan kutob sa mahimo ni incumbent Misamis Oriental 2nd District Cong. Bambi Emano ang mga tawo nga gikan dinhi sa Cagayan de Oro City ug tibuok lalawigan nga modangop sa iyang district office sa Balay Nenotchka sa lungsod sa Tagoloan.
Kini ang gipasalig sa kongresista dungan sa opisyal nga pag-abli sa iyang buhatan aron magsilbi niya nga opisina ug modawat sa mga bisita nga dunay katuyuan kaniya isip magbabalaod sa nasud.
Gihimo ni Emano ang mensahe atubangan sa ilang mga alyado sa politika gikan sa dinhi sa syudad ug lalawigan.
Miingon ang magbabalaod nga dili niya igsapayan nga tabangan bisan kon gikan pa sa laing mga partidong lokal ang maninguha nga masilbihan sa iyang buhatan sa lalawigan.
Hinoon,giklaro niini nga dili pa nila magahom ang 24/7 services kay kulang pa ang ilang mga personahe sa district office ug bisan sa lumilihok niini didto sa kauluhan.
Sa pagbukas sa maong district office,gisaksihan kini sa first family,regional directors sa nagkadaiyang national govt agencies ug mga higala sa nagkadaiyang sektor sa katilingban.
