CAGAYAN DE ORO CITY – Nabantog ang panulithon nga ang mga iro ang ‘man’s best friend.’Apan didto sa Ireland,mas sobra pa ang pag-ila sa 43 anyos nga babaye sa iyang binuhi nga iro.
Kini tungod kay gipakaslan man ni Wilhelmina Morgan Callaghan ang iyang iro nga nagpangala’g Henry.
Nagsugod ang talagsaong gugma nga gibati ni Morgan kang Henry dihang sunod-sunod nga nag-abot ang dimalas sa iyang kinabuhi.
Nawad-an siya’g trabaho isip embalsamador,naglisod kini’g mintinar sa pinansyal nga panginahanglan ug naigo pa gyud sa kalamidad ang pinuy-anan niini.
Apan sulti ni Morgan nga wala gyud kini talikdi ni Henry tungod sa naghinobrang ka loyal niini.Gipakasama ni Morgan nga hari si Henry sa iyang kinabuhi hinugdan nahukman niini nga minyuan ang kanhi lamang unta niya sinagop nga iro nga gikan sa iyang higala.Nasayod si Morgan nga dili normal ang makig-relasyon sa usa ka iro apan alang kaniya:’dogs are better than men.’Kini ang hinungdan nga naghinobra ang commitment sa maong babaye ngadto kang Henry.Dugang ni Morgan sa pag-ingon nga ‘unlike other marriages which fall apart, I know I’m with Henry for life,”.“People may think I’m barking mad, but he’s perfect for me.”Butangi!
