Dili angay ikahadlok sa katawhan ang emergency powers nga gihuptan ni Presidente Marcos nga gihatag kaniya sa House of Representatives.
Kini ang gitin-aw ni Legal Expert Atty Proculo Sarmen sa interbyu sa BOMBO RADYO. Namahayag si Sarmen nga kini nga gahum gitumong lamang sa pagpakunhod o total ban sa excise tax sa produktong petrolyo gikan sa mga kompanya sa lana sa Pilipinas.
Mipasabot ang abogado nga pinaagi sa gahum sa Presidente mapatuman niya ang deklarasyon sa State of National Energy Emergency aron magamit ang pondo nga gi-alokar alang sa kalamidad nga mu-igo sa Pilipinas.
Lakip sa posibleng ipatuman nga contigency measures ang dinaliang pagpangita sa alternatibong suplay sa lana gikan labing duol nga nasud nga dili na muagi ang importasyon sa Strait of Hormuz.
Pinaagi niini, may taas nga tsansa nga sunod bulan hinay hinay nga mubalik ang normal nga presyo sa lana, apan, sigurado nga muhuyang ang pondo sa nasud kay gamay nalang o wala nay buwis ang lana nga ibaligya sa merkado sa Pilipinas.
