CAGAYAN DE ORO CITY- Aprobado na sa Kongreso ang sugyot balaodnon diin maghatag kang Pres Rodrigo Duterte sa emergency powers aron paspas mabatukan ang coronavirus disease o COVID-19 sa nasud.
Kini human unang midala’g sulat hangyo si Duterte sa Kongreso aron hangyoon ang mga senador ug mga kongresista nga hatagan siya sa maong gahom alang sa pagsumpo sa bayrus.
Sa gihimong botasyon sa mga kongresista,284 kanila ang nag-uyon samtang siyam lamang ang misupak aron aprobahan ang House Bill 6616 o Bayanihan to Heal As One.
Kon mahimo na kining balaod,magamit ni Duterte ang mga pondo gikan sa ubang ahensiya aron ipamalit sa kagamitan ug pag-take over usab sa pipila ka pribadong kompanya aron paspasan ang pag-responde sa maong bayrus.
Gani,bisan ang senado naghatag na usab sa gahom kang Duterte nunot sa iyang gihangyo ngadto kanila.
