CAGAYAN DE ORO CITY – Patay sa ambush ang empleyado sa munisipyo samtang sakay sa sakyanan padulong sa municipal hall aron unta
motambong sa flag raising sa lungsod sa Maramag,Bukidnon kaganihang buntag.
Kini human atangi sa wala mailang mga suspek nga sakay sa motorsiklo ang gisakyang Bongo Kia truck hinungdan naigo sa mga bala si Jessie
Seberia,hingkod ang panuigon ug nagpuyo sa maong lungsod.
Sulti ni Police Capt Jiselle Longgakit,tigpamaba sa Bukidnon Provincial Police Office nga natigayon ang ambush dihang miabot na ang biktima
sakay sa Kia nga gimaneho sa iyang igsoon nga si Diosdado Seberia sa Sayre Highway, Purok 8,Brgy North Poblacion sa maong lugar kaganihang
buntag.
Gisuta pa sa mga imbestigador kon unsa ang hinungdan sa kremin diin nakaangkon ang biktima sa daghang pinusilan gikan sa kalibrer 45 nga
armas sa mga suspek.
