CAGAYAN DE ORO CITY – Gipaubos sa SOCO -10 sa pakisusi ang patay’ng lawas sa usa ka lalaki nga nakit-ang gisugdan na’g tangag sa iro sa kilid sa dalan sa Zone 6,Upper Puerto ning syudad.
Kini aron masuta kon kinsa ang maong biktima nga empleyado sa usa sa dakong kompanya sa pinya sa Brgy Bugo sa dakbayan.
Miingon si Puerto Police Station commander Police Maj. Allan Cairel nga subay sa inisyal nga pagsuta sa taga-SOCO nga posibleng magpila ka adlaw na ang biktima sa crime scene kay ubos na kini sa state of decomposition.
Giawhag kadtong mga pamilya nga nawad-an sa kabanay nga makig-koordinar kanila aron magiyahan kabahin niini.
Una niini,gidudahan nga babaye nga gilugos ug gilabay ang biktima sa lugar apan nasuta sa SOCO nga kini lalaki ug positibo usab giila nga empleyado sa dakong kompanya sa pinya nga nakabase ning syudad.
