CAGAYAN DE ORO CITY – Dinakpan sa tropa sa Philippine Drug Enforcement Agency 10 kuyog ang Mambajao Police Station ang empleyado sa lungsod sa Mambajao,Camiguin.
Giila ni PDEA 10 regional director Atty. Benjamin Gaspi ang dinakpan sa pangalan lang nga si alyas Junrey,25 anyos nga nagpuyo sa Brgy Yumbing.
Matud ni Gaspi nga nabawi gikan kang Junrey ang singko gramos sa gitoohang shabu nga nagkantidad 68-mil pesos.
Mag-atubang sa kasong pagsupak sa Comprehensive Dangerous Drugs Act of 2002.
Sa pagkutlo ning balita,detinado na sa mini-cell sa mga otoridad ang dinakpan.
