CAGAYAN DE ORO CITY – Sundon sa employers kon mahataga’g katumanan ang proposed P200.00 across the board wage increase nga gihingusgan sa pipila ka magbabalaod alang sa mga trabahanteg pribado sa nasud.

Kini ang reaksyon ni Ray Talimio Jr, chairman sa Oro Chamber of Commerce Board kabahin sa maong isyu.

Siya miingon nga adunay negatibo usab nga epekto ang sobra kadako nga umento sa suhulan kay maapektuhan ang kahimtang sa mga patigayon ug mga trabahante.

Kini maglakip sa pagpanira sa pipila ka negosyo ug ang pagpangtangtang usab sa trabahante aron maka-sustenir pa ang pag-serbisyo niini sa katilingban.

Gisugyot usab niini nga dili lang kanunay isalig sa gobierno sa pribadong sector ang mga obligasyon ngadto sa mga trabahante.