CAGAYAN DE ORO CITY – Nawad-an sa trabaho sulod sa duha ka semana ang Pinay English Teacher sa South Korea.
Kini ang gibutyag ni Genalyn Mabaylan, lumad nga taga Brgy. Balulang ning syudad apan kasamtangang nagsilbing magtutudlo sa Busan.
Sa interbyu sa Bombo Radyo, mi-angkon si Genalyn nga igo pa ang ilang salapi ug pagkaon tungod kay mi-ayuda man na usab ang ilang mga employers.
Gani, usa sa nangunay sa paghatag sa dakung pondo aron masanta ang Corona Virus Disease sa ilang nasud mao ang mga K-Pop artist ug mga inilang negosyante nga nakabase sa ilang syudad.
Kini nga pondo maoy gamiton sa ilang gobyerno aron mahatagan sa dugang tambal ang kapin 5 ka libo nga nagsakit sa Daego City, ang epicentro sa COVID-19 sa South Korea.
