Cited-in-contempt si Engineer Brice Ericson Hernandez, nga niadto Assistant District Engineer sa DPWH Bulacan 1st District Engineering Office.
Ang sanction gipakang sa Senate Blue Ribbon Committee tungod sa iyang managsunod nga pagpamakak sa alegasyon nga siya migasto sa tag 5-milyon pesos isip bet money sa Okada Manila Hotel and Casino, ug pagamit sa peke nga ngalan sa lisensya sa casino isip si Marvin Santos de Guzman.
Usa si Enger Hernandez nga nakit-an sa sulod sa Casino uban nila Engineer Henry Alcantara sa DPWH Bulacan, ug Engineer Jaypee Mendoza, Assistant District Engineer First District Office sa DPWH-Bulacan.
Una niini, gipakita sa Senado ang LTO-issued ID nga adunay hulagway ni Hernandez, apan hugtanong gihimakak nga iya ang maong ID, taliwala nga ang iyang membership ID nakuha sa senado sa mismong kasino kung asa sila makita katolo sulod sa usa ka semana.
Si Hernandez gi-report nga kauban nila Engineer Henry Alcantara ug Engineer Jaypee Mendoza sa sulod sa casino, nga pareho usab nga nalambigit sa mga kontrobersyal nga flood control projects sa Bulacan.
Ang Malacañang nagpahibalo nga ang mga opisyal sa DPWH nga nalambigit sa sugal mahimong kasohan ilawom sa RA 6713, ang Code of Conduct and Ethical Standards for Public Officials and Employees. m
Mahinumduman nga si Senador Panfilo Lacson miingon nga kapin ₱300 milyon ang gigasto sa duha ka DPWH officials sa sugal, ug posibleng gigamit ang fictitious names aron matabunan ang ilang identity.
Ang Senate contempt citation nagpasabot nga si Hernandez mahimong dakpon ug ipailawom sa kustodiya hangtod motuman sa mga utos sa komite.
