Nagsugod na ang epekto sa El Niño sa dakbayan—kini ang gipadayag ni Acting Department Manager ug OIC City Agriculturist Bernie A. Daba Jr. taliwala sa mga natala nga kadaut sa mga pananum sa mga hinterland barangays.
Tungod niini nga hulga, gipaspasan na ni Mayor Rolando “Klarex” Uy ang pag-aprubar sa mga pundo alang sa mga agricultural inputs aron matabangan ang mga mag-uuma ug mangingisda.
Gipasabut usab sa opisyal nga nakahatag na og inisyal nga mga tabang ang dakbayan aron dili madaot ug dili maglisod ang panginabuhian sa maong mga sektor.
Dugang pa ni Daba, padayon ang hugot nga pag-monitor ug pagpangandam sa gobyerno aron masiguro nga dili magpadayon ang krisis sa pagkaon sa dakbayan.-
