Gipanghimakak ni National Union of Peoples’ Lawyers o NUPL National President Atty. Ephraim Cortez nga dili gilayon mapatuman sa ubang probisyon sa batakang balaod ang interpretasyon sa Senado sa 2/3 nga kinahanglanong boto may kalabotan sa gi-atubang nga impeachment process ni Bise Presidente Sara Duterte.
Gipahayag usab sa maong abogado nga ang Senado ra ang adunay katungod sa pagdesisyon sa maong kaso sa impeachment base sa giya sa batakang balaod tungod kay lahi ang hurisdiksyon niini.
Apan gidugang ni Cortez nga ang Korte Suprema pa gihapon ang adunay katapusang pagdesisyon kung unsaon pag-ihap ang 2/3 nga boto alang sa mga kasabotan ug uban pang mga balaod.
Bisan pa man niini, gipahibalo usab sa NUPL nga mamahimo gihapon nga ipa-atubang sa Korte Suprema ang desisyon sa Senado kon mapamatud-an nga adunay dakong pag-abuso sa gahum ug katungod.-
