Tataw ug direkta nang nabati ang epekto sa grabe nga kainit sa panahon sulod mismo sa mga selda sa Cagayan de Oro City Jail Female Dormitory.
Gitin-aw ni BJMP Warden Mary Rose Paçana nga kinahanglang i-update na ang ilang operational plan ug mag-alokar og dugang water tanks alang sa konserbasyon sa tubig.
Dugang pa sa opisyal, gipahigayon ang maong mga proactive measures aron malikayan ang giingong domino effect sa panglawas sa mga PDL ug personnel.
Tungod sa maong sitwasyon, gipasalig sa buhatan nga naka-andam usab ang ilang pakig-alayon sa Bureau of Fire Protection ug local stakeholders alang sa dugang supply sa tubig.
