Gipasabot ni Mae Curiano sa National Grid Corporation of the Philippines (NGCP) nga dili kaayo mamatikdan sa mga konsumidor ang pag-ubos sa transmission rate tungod kay anaa lamang kini sa ubos sa lima ka porsyento sa kinatibuk-ang bayronon sa kuryente kada bulan.
Hinuon, giklaro niya nga kini nga bayranan mao gihapon ang basehanan sa billing nga ilang gipadala ngadto sa mga electric cooperative ug distribution utility.
Dugang pa, kini nga mga distribution utility maoy responsable sa pag-bill ngadto sa mga konsumidor base sa ilang tagsa-tagsa ka konsumo.
Sa pagkatinuod, ang bayronon sa kuryente naglangkob sa nagkalain-laing parte sama sa generation, distribution, ug transmission charges.
Busa, ang pag-usab sa presyo sa transmission rates dili dayon makahatag og dako nga epekto sa kinatibuk-ang balayronon sa matag panimalay.
