MANILA – Gisugyot ni Senate Pres Chiz Escudero nga gilayong aksyonan sa PAGCOR ang pagtak-op sa tanang mga operasyon sa POGO.
Miingon si Escudero nga wala na kini magkinahanglan sa pagtugot sa Malakanyang kay nabatbat na kini ni Pres Bongbong Marcos sa SONA.
Siya miingon nga kon wad-on ang POGO angay nga huraton na lang usab ang pagpahunong sa mga klase sa pasugal sa nasud.
Apan miingon usab si Solicitor General Menardo Guevarra nga dakong kalainan ang political statement kaysa ilugwa nga executive order ni Marcos.
Kini ang rason nga dili angayang magdali-dali apan ipasubay sa proseso ang pagsirado sa mga pasugalan sa nasud.
