Moagi sa botasyon sa mga senador sa hawanan sa plenaryo ang ilang ipakanaug nga hukom alang sa impeachment case batok kang Vice Pres Sara Duterte.
Kini ang pagpasabot ni Senate Pres. Chiz Escudero nga hayan mahimong makalahos sa 20th Congress ug mapahigayon isip impeachment court ang senado batok sa bise-presidente.
Matud ni Escudero nga walay mga lakang sa senado nga dili moagi sa pagbotasyon kabahin sa maong isyu.
Siya miingon nga kung unsa man ang mauyunan sa mga senador,dili mahimong magapos ang mga kamot alang sa mosunod nga kongreso.
Hisayrang namugos ang kampo sa pro-impeachment senators nga angayang matuki na ang sumbong batok VP Sara apan namulong usab ang pipila kanila nga ‘functionally dismissed’ na kini.
