CAGAYAN DE ORO CITY-Intresado si Ozamiz City Police Office commander C/Insp Jovie Espenido nga sunod ma-destino dinhi sa syudad.
Kini human milampos si Espenido sa tahas ni Pres Rodrigo Duterte nga ma-neutralize ang giingong Parojinog Drug Syndicate nga naglihok sa Ozamiz City.
Miingon si Espenido nga dili suliran alang kaniya kon ma-destino kini sa syudad kay nagsunod lamang usab siya sa mando gikan sa ilang mga labaw.
Si Espenido ang naila nga walay kahadlok pagbangga sa dagkong suspected drug syndicate diin naglakip sa kamatayon nila ni Albuera Mayor Reynaldo Espinosa sa Leyte ug Ozamiz City Mayor Reynaldo ‘Aldong’ Parojinog Sr sa miaging mga tuig.
