CAGAYAN DE ORO CITY- I-destino unta si Ozamiz City Police Station commander C/Insp Jovie Espenido sa Marawi City.
Kini ilabina kon hingpit nang mahuman ang suliran sa kreminalidad nga natigayon sa Ozamiz City diin ang mga Parojinog ang gitumbok nga responsable.
Gihimo ni Espenido ang pahayag tungod sa posibilidad nga i-destino na kini sa lain nga lugar human ma-neutralize si City Mayor Reynaldo Parojinog Sr diin ensakto duha ka semana na ang nakalabay.
Una nang nahimong ‘in-demand’ si Espenido nga ma-destino sa ubang lugar tungod sa isog nga pagpatuman sa anti-illegal drug operation kon asa kini ibutang sa kadagkuan sa PNP.
