CAGAYAN DE ORO CITY – Gikalipay sa kontrobersyal Ozamiz City Police Office commander Maj Jovie Espenido ang pagkasikop sa akusado pagpatay sa radio commentator nga si Cosme Maestrado sa Ozamiz City sa tuig 2015.
Kini human gihulat na ni Espenido ang pagbiyahe ni Gregie Albar Azcona nga lumad taga-Ozamiz City.
Miingon si Espenido nga sa pag-atubang unya ni Azcona sa iyang kaso,masuta kon kinsa ang nagsugo kaniya nga ipapatay si Maestrado.
Nasikop si Azcona pinasikad sa warrant of arrest nga gilugwa sa korte samtang nagtagu-tago kini sa Brgy Sta Cruz 5,San Fernando,Bulacan sa miaging semana.
Si Azcona ang unang gitumbok nga liquadiation squad sa grupo ni late Ozamiz City Mayor Reynaldo ‘Aldong’ Parojinog.
