CAGAYAN DE ORO CITY-Gikompirmar sa pipila ka sakop sa Parojinog Drug Syndicate nga nagbaton ang grupo sa kaugalingong labotaratoryo aron magluto sa drogang shabu sa Ozamiz City.
Miingon si C/Insp Jovie Espenido,hepe sa Ozamiz City Police Office nga tuig 2003 hangtod 2013 ang paglihok sa sa maong shabu labotaratory nga giingong gipanag-iya ug gidumala sa mga Parojinog.
Dugang ni Espenido nga gabalhin-balhin usab ang mang shabu lab palibot sa Ozamiz City sa tuyo nga dili mapadali ang pag-ronda niini.
Si Espenido ang direktang gitahasan ni Pres Rodrigo Duterte nga bungkagon ang mga Parojinog rason nga gi-destino kini sa Ozamiz City.
Una nang gikalipay apan nasubo si Espenido sa pagkasikop ni resigned Ozamiz City Councilor Ricardo ‘Ardot’ Parojinog samtang nagtagu-tago sa Taiwan.
