Gihatagan og gibug-aton ni Bro. Cleb Calimutan, presidente sa Confraternity of the New Apologetics, ang kahinungdanon sa pag-ampo ug pagpainit pa sa relasyon ngadto sa Ginoo kini human sa sunod-sunod nga katalagman nga nasinati sa kalibutan karong panahona.
Gitin-aw niya nga kining mga sunod-sunod nga linog nagsilbing mga timailhan sa pagbalik sa atong Ginoo sumala sa nakasulat sa Bibliya.
Subay niini, nagpahimangno siya nga dili angayan nga kondenahon o hukman ang mga tawo nga nabiktima sa maong mga katalagman.
Sa baylo, giawhag niya ang tanan nga mag-ampo aron mangayo og pasaylo sa mga sala ug aron maandam sa bisan unsang mahitabo sa umaabot.
