Nagatoo ang abogado nga si Atty. Antonio Soriano, Convenor sa Citizens’ Watch for Good Governance, nga estratehiya sa prosekusyon ang pag-withdraw sa mga musunod nga mga testigo nga iyang gihulagway nga mga hostile witnesses sa pasangil nga grave threats ug inciting to sedition batok kang Vice President Sara Duterte.
Matod pa niya, husto lang ang maong lakang sanglit delikado nga mopabor hinuon sa Bise Presidente ang mga testimonya nila Atty. Zuleika Lopez ug Capt. Belinda Bello kon pugson pa kini og pasaka sa estrado.
Gipasabot usab sa abogado nga nagpabilin nga lig-on ang baruganan sa prosekusyon nga napamatud-an na nila ang pagpanghulga ni Duterte sa kinabuhi sa tulo ka dagkong opisyal sa nasod.
Tungod niini, giseguro sa kampo nga dili na usikan ang oras sa husay sa mga testigong dili na kinahanglanon o mahimong makadaot sa ilang kaso.
