CAGAYAN DE ORO CITY – Dili pa makonsidera nga unang kaso disaster related incident nunot sa presensya sa bagyong Aghon ang pagkamatay sa 14 anyos nga tinun-an sa Misamis Oriental Institute of Science and Technology o MOIST sa Barangay Baliwagan,Balingasag,Misamis Oriental kagahapon sa buntag.
Kini bisan kon unang gikompirmar ni James Yugto,miembro sa Balingasag Municipal Disaster Risk Reduction and Management Office nga nadat-ugan sa sanga sa kahoy’ng balite ang biktima nga si Princess Coleen Tadlas samtang sakay sa motorela dala sa pag-ulan rason sa kamatayon niini.
Namahayag si Office of the Civil Defense 10 asst regional director Gilbert Gonde nga wala pa naapil sa mga lugar nga nakaisa ang public storm signal 1 ang Misamis Oriental dihang natigayon ang hitabo.
Apan gibutyag usab ni gipaubos na nila sa taas nga alerto silang bahin sa Northern Mindanao partikular na sa unang distrito sa lalawigan.
Kini sa tuyo nga paspas marespondehan sa local govt units ang mga posibleng pagbaha o pagdahili sa yuta, kung mubundak ang ulan sa rehiyon epekto sa Bagyong Aghon.
Namugos nga si Conde nga pabiling zero casualty rehiyon batok sa epekto sa bagyo.(Bombo Ann Quileste).
