Gikompirmar ni Senador JV Ejercito, Chairperson sa Senate Ethics Committee nga gibasura na ang upat ka reklamo o ethics complaints batok sa pipila ka mga senador, human kini gideklarar nga “frivolous” o walay igong ebidensya.
Namahayag si Ejercito nga lakip sa nadismiss ang reklamong gipasaka batok kaniya.
Hinoon, gitin-aw niini nga mahimo pa silang mupasaka’g kaso kung musubay sila sa gikinahanglan nga porma ug unod sa reklamo. Samtang, wala pa mahatagi sa desisyon ang reklamo may kalabotan kang Senador Ronald ‘Bato’ dela Rosa.
Sumala ni Ejercito, kini gi-deklarar nga ‘deferred’ o temporaryong gipahunong samtang naghulat sa pamahayag sa senador bahin sa suhestiyon nga usbon ang Senate rules, lakip na ang sugyot nga ‘no work, no pay’ policy.”
