Gipasalig ni European Commission President Ursula von der Leyen nga ipadayon sa European Union ang gisaad nga €90 bilyon nga utang sa Ukraine, taliwala sa lig-on nga pagsupak sa gobyerno sa Hungary.
Gipamugos ni Von der Leyen sa iyang public speech nga ang EU adunay managlahi ug legal nga pamaagi sa pagbadyet nga mahimong gamiton aron malusot ang pondo bisan pa’g dili mouyon si Hungarian Prime Minister Viktor Orbán.
Una niini, gipadayag usab sa uban pang lider sa EU nga dili nila tugotan nga usa ka miyembro sa estado ang makapugong sa kritikal nga tabang para sa Ukraine taliwala sa padayong opensiba sa Russia.
Hisayran nga gihimo ni Von derLeyen ang pahayag human mapakyas ang summit sa Brussels sa pagdani kang Orbán nga kuhaon ang iyang veto batok sa loan sa Ukraine.
