CAGAYAN DE ORO CITY – Masaksihan sa katawhan ang kalidad nga kalingawan nga buhaton sa foreign performers sa Paseo del Rio Complex, Rodelsa Circle ning syudad sugod ugma sa gabii.
Kini human gipili sa orgnizers ug handlers sa Euro Xtreme Circus ang Cagayan de Oro City nga sundayagan nila sa ilang world-class acrobat performance sa dul-an usa ka bulan.
Miingon si Janboy Actub,tigpamaba ni City Mayor Rolando ‘Klarex’ Uy nga nagkatagbo na ang hingtungdang mga opisyal sa syudad ug tigdumala niini alang sa luwas nga kalihukan.
Siya miingon nga sa mga mahilig sa tan-aw sa sangkatp sa kulbahinam nga circus show,mahimo sila nga modangop sa organizers aron magiyahan sila sa pag-avail sa maong serbisyo.
Gipamugos ni Actub nga paghidangat sa maong grupo pagmatood kon unsa ka luwas ang Cagayan de Oro pag-abot sa mga dagkong mga negosyante nga mububo sa ilang pamuhunan.
