Gibutyag ni Fatih Birol, Executive Director sa International Energy Agency (IEA), nga kung magpadayon ang kasamtangang supply disruptions, posibleng mahutdan ang Europe og jet fuel sulod lang sa unom ka semana.
Matod sa ulat sa L’actualité, giingon ni Birol nga mahimong magsugod ang flight cancellations kung magpadayon ang pag-block sa oil supplies tungod sa gubat sa Middle East.
Iyang gihulagway kini nga posibleng “pinakadako nga energy crisis” nga nasinati, nga naggikan sa pagkabalda sa lana, gas ug ubang vital resources nga moagi sa Strait of Hormuz.
Giingon pa niya nga ang sitwasyon magdala og dako nga epekto sa global economy, lakip ang pagtubo sa inflation ug paghinay sa economic growth, ug mas magrabe pa kon molungtad ang disruption.
