CAGAYAN DE ORO CITY- Kusganong gisupak Philippine Council of Evangelical Christian Churches Mindanao Area ang balaodnon sa Sexual Orientation and Gender Identity and Expression Equality o SOGIE sa Kongreso.
Kini human mihimo’gprayer rally ang libuang mga miembro sa maong mga kasimbahanan sa Kiosko Kagawasan,Divisoria ning syudad.
Miingon si Philippine Council of Evangelical Christian Churches Mindanao Area President Bishop Genesis Udang nga tuyo niini nga ipaabot ang dako nila nga pagsupak nga mahimong balaod ang SOGIE nga nagpihig sa katungod sa kadaghanan.
Giklaro ni Udang nga wala sila’y kasuko apan dako ang ilang pagbangga sa LGBT community apan dili nila gusto nga daghan ang maperhisyo pag-abot sa panahon tungod lamang sa ipalabang nga SOGIE bill.
Una nang gibutyag ni Udang nga anaa sa tres ngadto singko-miel ka partisipante ang magkatigom sa Kiosko Kagawasan batok SOGIE bill unya sa hapon ning syudad kagahapong adlawa.
