CAGAYAN DE ORO CITY – Gipaubos sa annual inventory sa Philippine Drug Enforcement Agency o PDEA 10 ang ilang mga nahuptang mga ebedensiya sa illegal drug cases nga nagsugod tuig 2011 hangtod ning tuiga.
Kini aron ipakita sa publiko nga wala pangkawata ang mga ebedensiya samtang nagligid ang mga kaso sa korte.
Miingon si PDEA 10 regional director Atty. Benjamin Gaspi nga obligado usab sila sa paghimo niini kay kabahin kini sa sugo sa Dangerous Drugs Board o DDB.
Siya miingon nga nag-unang tuyo usab niini nga dili na masubli ang pipila ka hitabo nga mismo ang ilang natangtang nga mga ahente ang gapangawat sa mga ebedensiya aron mabasura ang mga kaso sa korte.
Hisayrang saksi sa maong imbentaryo ang mga ahente gikan sa National Bureau of Investigation ug PNP Forensic Service Unit.
