Nangayo’g pasaylo ang retiradong heneral sa military nga si PAGCOR Senior Vice Pres. Raul Villanueva ngadto sa 24 ka kanhi PNP chiefs.
Kini human unang nabulgar ni Villanueva sa imbestigasyon sa senado nga retiradong heneral sa pulis ang naghatag proteksyon kang kanhi Bamban Mayor Alice Guo aron hilom makasibat sa Pilipinas.
Nagsumikad ang katin-awan ni Villanueva epekto sa pagpangayo’g direktang katin-awan ni kanhi PNP chief ug karon Sen Ronald de la Rosa nga angay nganlan ang maong kanhi heneral aron dili madamay ang walay mga labot sa isyu.
Hisayrang mismo na ang Indonesian police ang nakadakop kang Guo samtang nagtago kini sa Indoensia sa miaging mga semana.
