CAGAYAN DE ORO CITY – Gibawi-an sa gobierno sa 102 milyon pesos nga balor sa property assets si retired AFP Lt Gen Jacinto Ligot ug ang tibuok niya nga pamilya.
Kini human nasuta sa Sandiganbayan nga ill-gotten wealth o illegal ang paghupot ni Ligot sa maong kabtangan nga wala moha-om sa kinitaan niini nga gi-dekalarar sa iyang Statement of Assets, Liabilities and Net worth.
Nasuta nga anaa lang sa 2.8 milyon ang lawful income sa army general apan mokabat sa 102 milyon pesos ang iyang nahuptang kabantangan.
Si Ligot kinsa nadestino usab sa 4th ID,Philippine Army ayha nabalhin sa laing AFP unit ang nagsugod sa pagkasundalo tuig 1982 ug mi-retiro pag-abot 2004.
Kabahin sa gimando sa korte nga i-uli ni Ligot ang duha ka balay nga atua sa Amerika,condo units sa kauluhan,pipila ka balay ingon man yuta sa Malaybalay City,Bukidnon,deposits ug investments sa AFPSLAI ug sakyanan.
