CAGAYAN DE ORO CITY-Nadakpan pinaagi sa drug buy bust operation sa kapolisan ang usa ka sundalo dinhi sa syudad.
Giila ni Carmen Police Station deputy commander Sr/Insp Mario Mantala Jr ang suspek nga si kanhi PFC Andre Kim Realista, 26 anyos,bulag sa asawa ug nagpuyo sa syudad.
Nakuha gikan sa suspek ang kapin libo nga balor sa shabu ug ang drug buy bust money nga P500.Una niini,gipamugos ni Realista nga iyang kanhi kapikas ang hinungdan sa pagpamaligya niya’g druga.
Emosyonal nga gibutyag ni Realista nga wala siya sukad mibiya sa iyang responsibilidad sa pagka-amahan tungod kay atua sa iyang asawa ang iyang ATM.
Hinoon, iyang gi-angkon nga siya na ang mibulag sa iyang kapikas sa dihang makita niini ang mga branded nga brief nga iya sa laing lalaki sa iyang kapikas.
