CAGAYAN DE ORO CITY-Posibleng dili na mahinayon nga kasuhan ang kanhi brgy kapitan nga nakaligis-patay sa trabahante sa ospital diha sa Purok 7,Upper Puerto ning syudad.
Kini human inisyal nang nagkauyon ang pamilya sa biktima nga si Reynaldo Indoy nga taga-Manolo Fortich ug ang suspek nga si kanhi brgy kapitan Robin Anyon bisan sa sakit nga hitabo.
Miingon si C/Insp Evan Vinias,hepe sa Puerto Police Station nga i-andam gihapon nila ang kasong kriminal batok Anyon ug bahala na ang piskalya sa pagresolba niini.
Nabanggaan ni Anyon ang gimanehong motorsiklo sa biktima dihang kusog ang pagpadagan niini sa iyang Strada pick-up sa maong lugar sa miaging adlaw.
