CAGAYAN DE ORO CITY-Gipaubos sa imbestigasyon ang kanhi brgy kapitan nga kabahin sa nakig-pinusilay sa kapolisan ug militar nga nagsilbi sa search warrants sa Barros Compound sa Brgy Kinawe,Libona,Bukidnon.
Kini human nakahukom si kanhi Kinawe Brgy Kap Tarcisio Barros nga itugyan ang iyang kaugalingon sa kang Libona
Mayor Totom Calingasan ug gilayong gidala usab kini kang Bukidnon Gov Jose Maria Zubiri.
Gilayong gitugyan usab si Barros sa kapolisan aron ma-presentar kang PNP regional director C/Supt Timoteo Pacleb ayha gidala sa CIDG headquarters.
Una nang gibutyag ni CIDG deputy director for operations Supt Melgar Devaras nga motahan si Barros aron kay dili sila mohunong pagpangita kaniya hangtod di madakpan.
