CAGAYAN DE ORO CITY – Gikompirmar ni Comelec regional director Atty Reynato Magbutay nga dunay nakit-ang bug-at nga basehan ang reklamo sa usa ka abogado kabahin sa pasangil nga vote buying batok sa grupo ni kanhi Camiguin Gov Maria Luisa Romualdo niadtong Mayo 9,2016.
Kini human unang gitahasan ni Magbutay sa Gingoog City Election Officer Atty Dexter Nagtalon nga imbestigaran ang reklamo nga giduso ni Atty Homer Mabale batok sa kanhi gobernador sa isla.
Miingon si Magbutay nga kabahin usab sa gilakip sa giimbestigaran sila Mahinog Mayor Rogerio Acle, Rey Lawrence Tan, Kindred Jajalla, Shella Babanto, Ramil Bayucot, Neolida Salon;Winlove Labadan ug laing tulo ka sibilyan.
Samtang sa panig usab ni Gng Romualdo,kusganong gihimakak niini ang pasangil ni Mabale kinsa nakakuha’g video footage diin madungog ang panagsabot kon unsaon ang pagpaabot suporta sa ilang gisuportahan nga mga kandidato nga ubos kaniadto sa partido Libera
