CAGAYAN DE ORO CITY – Gawasnon na gikan sa bilangguan si kanhi City Vice Mayor Ceasar Ian Acenas kuyog laing upat ka kauban sa Mandaue City,Cebu sa miaging Oktubre ning tuiga.
Kini human gitugtan sa piskalya nga makapiyansa ang mga akusado sa balor 1200-mil pesos kada-usa tungod sa gilambigitan nila nga kasong estafa.
Miingon si Acenas nga gihulat na lamang niya ang pagtugot sa iyang abogado aron mohatag kini’g katin-awan kon nganong kabahin siya nasikop sa police entrapment operation.
Kabahin sa gidakop nga konektado sa Phoenix EA Holdings International nga giakusahan nga nangilad sila si Maria Esperanza Makinano,Arjun Gumban,Ailyn Hope Matulac ug Adjetor Daya Jr nga pulos taga-Mindanao.
Samtang gi-welcome sa Security and Exchange Commission o SEC-10 nga nabulgar ang investment taking nga gisudlan sa Phoenix.
Kini aron masayod ang publiko sa kalambigitan sa maong grupo nga unang gikaasuhan nga mihimo’g ilegal nga kalihukan ngadto sa ilang mga nahimong investor sa pipila ka Mindanao.
Miingon si SEC-10 regional director Atty Reynato Egypto nga subay sa koordinasyon nila sa ilang buhatan sa Davao City,walay secondary permit to operate ang grupo.
Gani,gitakda usab sila makig-koordinar sa SEC-7 sa Visayas aron makakuha’g dugang impormasyon kabahin sa operasyon sa Phoenix nga kanhi Blitz Unlimited Incorporated nga naputos sa reklamo gikan sa investors.
