CAGAYAN DE ORO CITY – Gisikop sa kapolisan ang kanhi kapitan tungod sa kasong kriminal diha sa Pagalungan ning syudad.
Giila ang suspek nga si Crisostomo Villarin, 73 anyos nga nagpuyo sa maong lugar.
Gibutyag ni Lumbia Police Station commander Capt. Valentines Baja nga ilang gisikop ang kanhi kapitan tungod sa kaso niining illegal logging nga niadto pa nahitabo sa tuig 1992.
Dugang ni Baja nga lakip sa ilang gisikop ang driver sa kanhi opisyal nga si Aniano Latada, 70 anyos nga residente sa Brgy Tagpangi sa syudad.
