CAGAYAN DE ORO CITY-Patay na ang kanhi konsehal ug retired police officer sa syudad nga si Jose ‘Pepe’ Abbu samtang nakig-bisog sa balatian sa ospital sa syudad kaganihang kadlawon.
Gibutyag sa pamilya ni Abbu nga nag-bleeding siya hinungdan nga gidala sa ospital niadtong adlaw’ng Martes.
Apan samtang nanglibasog nga mabuhi pa ang biktima,nag-cardiac arrest kini hinungdan sa kamatayon niini kaganihang kadlawon.
Si Abbu ang nagsilbi isip konsehal sa syudad sulod sa tulo ka termino.
Sa pikas bahin,mipanaw na usab sa laing kalibutan si kanhi CEED manager Engr Peter Abejuela.
Kini tungod usab sa gihambin nga balatian.
Nakasinati sa pagka-stroke sa Abejuela hinungdan nga sulod-gawas kini sa ospital.
Si Abbu nga nag-edad 70 anyos ug Abejuela nga 64 anyos ang pulos nakahaya sa Cosmopolitan Funeral Parlor diha sa dalang Capistrano sa syudad.
