CAGAYAN DE ORO CITY – Gika-alarma ni kanhi Regional Peace and Order Council o RPOC -10 chairman former City Mayor Oscar Moreno nagsunod nga armed attack sa pipila ka local govt unit officials nga naglakip kang Negros Oriental Gov. Roel Degamo ug ambush survivor Lanao del Sur Gov. Mamintal ‘Bombit’ Adiong Jr.
Miingon si Moreno nga angayang mapadali ang pagsulbad ug mahunong ang maong mga pag-atake aron dili usab mawad-a’g pagsalig ingon man respeto ang katawhan sa balaod sa nasud.
Siya miingon nga angayang manubag sa balaod mga utok sa kamatayon ni Degamo kuyog ang laing walo ka sibilyan ingon man ang grupo nga misulay pagpatay kang Adiong.
Natigayon ang pag-ambush kang Adiong sa Lanao del Sur miaging petsa 17 sa Pebrero ug pag-abot sa Marso 4,gisulong sa kanhi mga sundalo si Degamo samtang anaa sulod sa ilang balay sa lungsod sa Pamplona.
Samtang nag-atubang sa intelligence ug leadership PNP breakdown ang Central Visayas Region.
Kini ang paghulagway ni Atty Antonio Soriano,convenor sa Citizens Watch for Good Governance 10 kon nganong sayun-sayon lang nasudlan sa armadong grupo ang Negros Oriental aron patyon si Degamo sa miaging semana.
Miingon si Soriano nga kon tinud-anay nga dili mga tulog ang mga pulis sa maong rehiyon,gilayong masita nila ang plano nga pag-masaker kang Degamo kansa naggikan sa nagkadaiyang bahin sa Mindanao ug Visayas ang ‘hired criminals.
Siya miingon nga hangtod nga dili matul-id ang maong kapalpakan,nabalaka kini nga may lain pang mga politiko ang mabiktima sa armadong pagpangtake.
