CAGAYAN DE ORO CITY – Gihagit ni City Mayor Klarex Uy nga ipadagan ang iyang kanhi alyado sa politika sa pagka-brgy kapitan sa umaabot brgy ug SK elections sa Brgy Carmen ning syudad.
Kini human nabaniug nga maoy plano ni kanhi City Mayor Oscar Moreno ang pag-atbang sa mga Uy rason nga mibalhin kini sa iyang rehistro sa Brgy Carmen alang sa maong katuyuan.
Miingon si Klarex nga kalipay niya nga buhaton kini ni Moreno aron masulayan ang ilang panagtigi ni kanhi City Vice Mayor Kikang Uy.
Samtang nagpakita lamang sa kahuyang sa liderato nga modumala sa dakbayan ang administrasyon ni Uy.
Kini ang tubag ni Moreno sa hagit ni Uy nga ipadagan siya pagka-brgy kapitan sa umaabot piliay sa brgy.
Miingon si Moreno nga dili kini ang tinud-anay nga diwa sa serbisyo publiko kay pagdumot man ang mitigbabaw sa balatian sa kasamtangang mayor.
Gani,bisan si kanhi gobernador ug karon Misamis Oriental 2nd District Cong. Bambi Emano ang mihatag usab sa iyang komento kabahin sa maong isyu.
Miingon si Emano nga katungod sa kanhi mayor kon mopapili kini sa maong katungdanan alang sa pagsilbi sa katawhan sa maong brgy.
Hisayrang si Emano ug Moreno ang kanhi usab magka-alyado apan nabungkag tungod gihapon sa ilang mga tagsa-tagsa ka baruganan sa politika sa syudad ug lalawigan.
