CAGAYAN DE ORO CITY – Nanganti sa kanhi City Mayor Oscar Moreno nga dunay ipabuto nga expose batok sa pasiatab ni incumbent City Mayor Rolando ‘Klarex’ Uy kabahin sa isyu sa pakyas pagbayad sa kanhi administrasyon sa binilyong obligasyong pinansyal sa dakbayan.
Gitumbok sa kanhi mayor ang pasangil nga 25 ka bulan nga walay bayad-bayad ang city hall sa mga nakuhaan niini sa serbisyo rason halos 3 bilyones pesos ang giabaga nga obligasyon sa kasamtangang mayor.
Miingon si Moreno nga bakak ang gisulti ni Uy kay 25 milyones pesos ang nabayad niini sa Xavier University paggamit sa ilang mga pasilidad sa miaging pag-igo sa COVID-19.
Una niini,gibarugan sa chief of staff ni Uy nga si Shiela Lumbatan nga sobra 2 bilyones pesos na ang nabayad sa city govt gikan sa gibilin nga dakong obligasyon ni Moreno.
Hisayrang unang gipalanog sa panig ni Uy nga sulod sa 25 ka bulan sa pangatungdanan ni Moreno,giingong wala kini bayad-bayad sa nagkadaiyang obligasyong pinansiyal rason halos mitala sa 3 bilyones pesos ang angay bayran.
