CAGAYAN DE ORO CITY – Mipanaw sa laing kalibutan sa edad 93 si kanhi City Mayor Atty Reuben Canoy ning syudad kagabii.
Kini subay sa Facebook post sa iyang anak-babaye nga si Rhona Canoy gumikan sa giingong cardiac arrest.
Si Canoy ang kabahin sa pipila ka lideres sa Mindanao nga mihingusog sa pagkab-ot sa gobiernong pederalismo ug ilado usab nga anaa sa panon sa oposisyon sa panahon sa martial law sa nasud.
Gibutyag sa iyang anak nga si Rhona nga nangayo sila’g mga pag-ampo alang sa kapahulayang dayon sa ilang amahan kinsa ilado usab sa iyang programang Perspective.
Usa sa mga dili malimtan sa mga residente kang Canoy mao ang pag-viral sa video diin gibalikas kini ni kanhi Kag Zaldy Ocon kinsa kanhi nila empleyado sulod mismo sa family-manage nga hotel ning syudad.
