CAGAYAN DE ORO CITY – Naibtan sa tunok si kanhi City Mayor Oscar Moreno ug mga kauban niini sa bids and awards committee on BAC sa kapitolyo probinsyal kay gi-absuwelto sila sa 20 ka kasong kriminal nga gidungog sa ikaduhang dibisyon sa Sandiganbayan sa kauluhan.
Kini human ibasura sa korte ang maong mga kasong kriminal nga gipasaka sa Ombudsman batok kanila.
Nagsumikad ang maong mga kaso sa special audit nga gihimo kaniadto sa kapitolyo probinsyal nunot sa wala pag-agi sa ensaktong proseso nga mang-renta’g heavy equipment ang Moreno administration alang sa mga trabaho sa probinsya.
Siya miingon nga dili usab tiaw ang ilang pakig-away’ng legal kay naabtan sa napulo ka tuig ayha hingpit nabasura ang maong mga kaso.
Dumduman nga makapila gi-dismiss sa Ombudsman si Moreno sa maong mga kaso apan daghang higayon usab nga gihatagan kini’g konsiderasyon sa Court of Appeals-Mindanao.
Tipik usab sa absuwelto sa maong kaso ang kanhi provincial capitol department heads ni Moreno nga sila Engr. Rolando Pacuribot;Atty Canscio ‘Pogi’ Guibone Jr;Patrick Uyguangco Gabutina;Leemar Tinagan;Elsie Lopoy;Divina Bade;Danilo Maputol ug Elmer Wabe.
Namahayag usab ang testigo sa Ombudsman nga si Engr Antonio Nuñez nga gitahod niya ang hukom sa korte.
Samtang wala dumti ni Moreno ang mga tawo nga utok sa 20 ka kasong administratibo sa Ombudsman ug laing 20 pa sa Sandiganbayan nga napulo ka tuig niya nga gitambungan ang mga pagdungog niini didto sa kauluhan.
Kini ang dugang reaksyon ni Moreno nunot sa pagka-absuwelto niinidihang sila gikasuhan kay nasuta sa special audit sa provincial capitol nga nag-renta sila sa heavy equipment nga wala moagi sa ensaktong proseso kaniadto.
Siya miingon nga kon itigbabaw niini ang iyang kasuko ug pagdumot kay serbisyo sa katawhan ang katuyuan kon nganong misulod kini sa politika.
Dugang ni Moreno nga walay padulngan ug pag-usik-usik lamang sa oras kon gukdon pa niya ang mga tawo nga utok sa pagkaso kaniya sa Ombudsman ug Sandiganbayan tungod sa iyang siyam ka tuig nga pagserbisyo isip gobernador sa Misamis Oriental.
Kini ang tubag sa kanhi gobernador kon unsay sunod niyang buhaton human siya na-absuwelto kuyog ang mga miembro sa bids and awards committee sa 20 ka kaso sa ikaduhang dibisyon sa Sandigabayan sa miaging semana.
Miingon si Moreno nga igo alang kaniya nga nalimpyohan ang iyang pangalan ug napatud-an nga wala sila mag-abusar sa katungdanan dihang nagpatuman sa mga proyekto sa lalawigan sa milabay’ng katuigan sa lalawigan.
Una nang miduso’g reklamo si Nuñez epekto sa special audit sa Commission on Audit sa Ombudsman apan pulos wala molampos ang sunod-sunod nga dismissal orders batok Moreno ug ang pinakaulahi gibasura sa Sandiganbayan ang 20 ka kasong kriminal.
