CAGAYAN DE ORO CITY-Atubangon sa kampo ni kanhi City Mayor Vicente ‘Dongkoy’ Emano ang kasong dministratibo ug kriminal nga gipasaka sa kanhi brgy treasurer sa Office of the Ombudsman.
Kini human gikasuhan ni Danilo Daaca nga taga-Brgy Mambuaya si Emano tungod sa giingong palpak nga dul-ag 50 milyon pesos nga telepono sa brgy program alang sa 17 ka hinterland brgy sa dakbayan.
Miingon si Kag Atty Nadya Emano-Elipe nga katingalahan ang lakang ni Daaca kon nganong sa pila ka tuig,ning bulana pa mikaso batok sa kanhi city mayor.
Gitoohan sa mga Emano nga politika ang tuyo ni Daaca ilabina nga duol na ang 2019 midterm elections.
