CAGAYAN DE ORO CITY – Gikonbikto sa 1st Division Sandiganbayan si kanhi lone district congressman ug former City Mayor Constantino ‘Tennix’ Jaraula kuyog ang negosyante nga si Janet Lim Napoles.
Kini tungod sa kasong graft ug malversation may koneksyon sa 10-milyon pesos nga pork barrel fund scam kaniadto.
Subay sa 103 ka pahina nga hukom sa korte,nakit-ang guilty sa tulo ka counts sa kasong malversation pinaagi sa pagbulsa sa halos 20 milyon pesos nga pork barrel.
Nakit-an usab sa korte nga gigamit sa kanhi kongresista ug mayor ang Technology Resource Center ug ang Napoles-owned Countrywide Agri and Rural Economic Development Foundation aron mapasayon ang pagkuha sa pondo.
Sila gisilutan sa korte sa unom ngadto 10 ka tuig nga pagka-priso sa kasong graft samtang 12 hangto 18 ka anyos usab sa malversation conviction.
Gimanduan usab sila nga i-uli o bayran nila ang gobierno sa P56 million ug laing 6 milyones nga suburno gikan sa maong transaksyon.
Samtang moduso sa motion reconsideration o MR si Jaraula batok sa hukom sa Sandiganbayan sa iyang mga giatubang nga kaso diin siya pulos nakonbikto.
Gibutyag ni Jaraula nga walay ebedensiya ang nanumbong kaniya hinungdang iya kini nga e-kuwestiyon.
Miingon si Jaraula nga kon magmagahi ang korte paghatag sa pabor sa iyang mosyon,idangop niya sa Supreme Court aron e-kuwestiyon ang maong hukom.
Sa tanang elected officials nga giakusahan sa maong pork barrel fund scam,bugtong si Jaraula lamang ang gi-konbikto sa korte samtang sila ni kanhi Sen Juan Ponce Enrile,Jinggoy Estrada ug Sen Bong Revilla Jr ang wala madutli nga sobra tag-50 milyon pesos ang giingong nadawat nila nga suburno kaniadto.
