CAGAYAN DE ORO CITY-Gikasuhan sa duha ka counts sa kurapsyon si kanhi City Mayor Vicente ‘Dongkoy’ Emano ug ang pipila ka dept heads sa Ombudsman ning syudad.
Kini may kalabutan sa pag-release sa dul-ag 10 milyon pesos nga pondo ngadto sa non-goverment organizations isip bayad sa serbisyo nga gitunol niini sa dakbayan.
Miingon sa complainant nga si Rico Molina,kinsa kanhi empleyado sa CSWD nga kadudahan ang paglugwa sa
pondo nga giingong gihatag sa mga benepesaryo sa skills training nga gitunol sa NGOs nga konektado sa PDAF fund scam sa kauluhan.
Namugos si Molina nga wala siya sugu-a ni City Mayor Oscar Moreno aron kasuhan si Emano ug mga kanhi empleyado sa city hall sugod tuig 2013.
Samtang nagdumili una pagkomento ang kampo ni Emano kabahin sa kasong kurapsyon gipasaka batok kaniya sa Ombudsman ning syudad.
Kini human gi- kuwestiyon sa kampo ni Molina kon nganong na-release ang kapin milyon pesos bisan patapos na ang termino ni Emano sa tuig 2013.
Miingon si Kag Leon Gan nga wala pa sila makahupot sa kopya sa kaso hinungdan nga dili una sila mohatag komento.
