CAGAYAN DE ORO CITY-Giyagyag na’g sugod ni kanhi City Mayor Vicente ‘Dongkoy’ Emano ang inisyal nga listahan
sa ilang mga kauban nga hayan laraw magpapili sa 2019 midterm elections ning syudad.
Kini unang gibutyag ni Emano nga han-ay na ang ilang political line-up aron i-bangga sa mga kandidato usab ni City Mayor Oscar Moreno sunod tuig.
Miingon si Emano kabahin sa gilakbitan niini sila si incumbent City Councilors Atty Leon Gan ug Dometilo
Acenas.
Laraw usab daw mobalik pagpapili’g balik sila si kanhi City Vice Mayor Ian Acenas,former councilors Atty
Ramon Tabor,Alexander Dacer ug Alden Bacal.
Samtang nagkatawa lamang si City Mayor Oscar Moreno samtang pabiling pokus sa iyang pagtunol serbisyo sa katawhan sa syudad.
Kini bisan nga unang nagpadayag si kanhi City Mayor Vicente ‘Dongkoy’ Emano nga kursanadang modagan pagbalik apan nagduha-duha tungod sa iyang giingong nga kalungon sa salapi.
Miingon si Moreno nga may igong panahon sa pag-atubang sa hisgutanang politika apan prioridad usab niini ang pag-mintinar sa hugot nga seguridad batok sa hadla sa terorismo sa syudad.
Una nang gibutyag ni Moreno nga pipila ka kandidato na lamang ang giplastar nila sa segundo distrito aron hingpit nang
kumpleto ang political lineup sa 2019 midterm elections sa syudad.
Samtang gipadumduman ni DILG regional director Arnel Agabe ang tanang incumbent officials nga dili pahimudsan ang higayon aron gamiton ang kabtangan sa gobierno aron maka-bintaha sa pagpapili niini sa 2019 midterm elections sa rehiyon.
Gihimo ni Agabe ang pahimangno nunot sa nagkadauol nga pagduso sa certificate of candidacy sa mga mokandidato sa piliay sunod tuig.
Gibutyag ni Agabe nga gitakda sila mohimo’g imbentaryo sa kabtangan sa gobierno aron mapanalipdan kini batok
sa govt officials nga magpahimulos alayon sa midterm elections.
