CAGAYAN DE ORO CITY-Gikakurat ni kanhi City Mayor Vicente ‘Dongkoy’ Emano nga gikasuhan kini’g duha ka counts sa kurapsyon sa satellite office sa Ombudsman sa syudad.
Kini human gi-kuwestiyon sa kanhi city hall empoyee nga si Rico Molina ang pag-release sa dul-ag 10 milyon pesos nga pondo sa salapi ni Emano ngadto sa pipila ka residente nga giingong benepesaryo sa livelihood program sa syudad.
Miingon ang abogado ni Emano nga si Atty Francis Khu nga wala sila’y ideye sa gipanulti ni Molina ug wala pa usab kini makahupot sa kopya sa maong sumbong.
Hinoon,dili pa angay maglipay si Molina kay wala pa’y kasiguruhan kon tuhuan sa Ombudsman ang iyang sumbong batok kang Emano.
Una niini,namugos si Molina nga wala siya sugua ni City Mayor Oscar Moreno aron ipiton si Emano pinaagi sa pagduso’g kaso.
